【娛樂新聞】林保怡大讚李昊紅館騷漸入佳境：第二晚被佢帶入角色.林保怡日前為內地歌手李昊嘅紅館演唱會擔任嘉賓，一連兩晚同台演出短劇。佢喺社交平台分享感受，指第一晚因道具臨時有變，出場前30秒要更改位置，幸好未有影響演出，台詞對答基本上合格，但就冇驚喜。

不過林保怡大讚第二晚演出有驚喜，李昊開始隨住自己嘅感覺，由心出發進入角色，更即興講出劇本冇嘅台詞，尾段互動最精彩，佢直言自己被李昊帶入角色，係演出成功嘅關鍵。林保怡仲搞笑話「長話不能短說」，叫大家自己搵第二場嘅片睇，又特別多謝对方粉丝送嘅花。TVB