【娛樂新聞】《愛·回家》大小姐決心自立門戶 「雙大CP」聯手辭職型爆全場.《愛．回家之開心速遞》將於8月7日播出大結局，昨晚（27日）劇情講述「大小姐」龍力蓮（林淑敏飾）一心成為接龍集團接班人嘅夢碎後，在老公「送水輝」許家傑嘅鼓勵下，成功喺某小島自行發展渡假村，最後決定自立門戶成立新公司，不再作為「大龍生」羅樂林嘅工具人。「大小姐」離開嘅同時，「熊尚善」滕麗名亦向「大龍生」請辭，接龍同一時間失去兩大高層。

劇中大小姐因父親大龍生重男輕女而心碎，面對宿敵熊尚善時終於卸下所有防備，將多年委屈一次過爆發，痛哭直言：「我所有嘅青春都放晒喺接龍」、「點解佢最愛嘅人唔係我」。佢更將自己對父親嘅愚孝比喻為無法自拔嘅愛情，含淚自嘲：「佢係渣男我都知」、「每一次佢有事，我都忍唔住要撲向佢身邊幫佢」、「我知道我係犯賤」、「我真係放唔低呀！」。熊尚善一語道破：「渣男就係渣男，佢只係畀個名份你，然後拖住你，做佢一世嘅工具人。」大小姐聞言哭喊「我唔要做工具人」，熊尚善溫柔地叫佢「喊啦」，隨後主動將佢攬入懷中，呢幕「雙大CP」嘅心痛擁抱感動無數網民。

林淑敏喺網上晒出「力蓮集團」嘅卡片，有《愛‧回家》忠粉發現林淑敏辦公室直線電話大有來頭，原來呢個電話係八姨婆電話，粉絲留言：「八姨婆死咗好耐啦，個電話回收都唔出奇。」以及其公司地址都引起熱話，因力蓮集團網址用lung.com.hk而唔係用linda.com.hk：「都脫離咗龍氏集團囉，叫你秘書改番佢，再印過卡片啦！」。

因離巢而「被離家」嘅「細龍生」鄭世豪，日前亦有轉發成為接龍接班人嘅片段，佢坦言自己已無心戀戰，但叮囑爸爸不要給「假到癡（黐）線XXX就得了」，擺明寸爆林淑敏。其實林淑敏以前已跟鄭世豪傳不和，鄭世豪曾被對方爆約滿離巢，佢受訪時指想待適當時候才公布，可惜被人爆料，疑似不滿，兩人關係破裂，林淑敏近日出席活動避談鄭世豪，稱會找機會與對方破冰。TVB