【On.cc】鍾嘉欣生日楊茜堯楊思琦爭住賀　歎桑拿飲愛心靚湯

藝人鍾嘉欣昨日（9日）42歳生日，她先在社交網分享笑言是「九唔搭八」的 Birthday Post，分享家人和朋友為她連日來慶祝生日的點滴，當中嘉欣與拍劇結緣的楊思琦齊齊進行美容養生療程，嘉欣浸冰水浴外又與思琦一齊歎桑拿浴，難怪兩位靚媽一直保養得宜，嘉欣在社交網說：「九唔搭八 Birthday Post，隨心而發，多謝大家對我嘅生日祝福，又大一歲啦，感恩過去一年好好玩。」

鍾嘉欣生日快樂！

今年佢切cake切到手軟。

去Join美容養生療程。

正為佛山舉行的演唱會作「閉關」準備的嘉欣，隨後再在社交網貼文分享楊茜堯登門探望，敍舊兼送上愛心靚湯，相當有心，她說：「親愛的茜堯：多謝你咁有心，專登走上嚟帶湯畀我飲。喺演唱會閉關嘅日子，有你呢碗湯、有你陪我靜靜哋傾3個鐘頭嘅偈，真係好珍貴。同你一齊，可以冇包袱、做番最真實嘅自己，輕輕鬆鬆，簡簡單單，但係好充實，短短幾個鐘，已經好似幫我叉滿晒電，多謝你。」楊茜堯則對嘉欣指好久不見，終於能夠見面，期待下次相敍，又指兩人的友誼好似家一樣溫暖。

楊思琦（右一）都有一齊去。

歎桑拿浴，一齊變靚啲！

鍾嘉欣話感恩過去一年好好玩。

今年仲有楊茜堯拎埋愛心靚湯去賀佢。

真係有食神～